वृत्तसंस्था,

करूर (तामिळनाडू) : २७ सप्टेंबर रोजी संध्याकाळी तामिळनाडूतील करूर येथे सुपरस्टार आणि तमिळग वेट्री कळघमचे (टीव्हीके) नेते विजय यांच्या रॅलीत चेंगराचेंगरी होऊन ३9 जण ठार झाल्याची घटना शनिवारी घडली. या घटनेत १६ महिला आणि १० मुलांसह ३९ जणांचा मृत्यू झाला. ९५ जण जखमी झाले, तर ५१ जण आयसीयूमध्ये आहेत. मृतांमध्ये सहा मुलांचा समावेश आहे. तमिळनाडूतील करूर येथे ही घटना घडली. रॅलीच्या ठिकाणी अनेक जण बेशुद्ध पडले असून, त्यांना रुग्णालयात दाखल करण्यात आले आहे. मृतांचा आकडा आणखी वाढण्याची शक्यता आहे.

                         अभिनेता विजय तमिळनाडू विधानसभा निवडणुकीपूर्वी सध्या प्रचार रॅली घेत आहेत. शनिवारी सायंकाळी त्यांची रॅली करूर येथे आयोजित करण्यात आली होती. त्यास हजारो चाहते उपस्थित होते. सुरुवातीच्या माहितीनुसार तीस हजारांहून अधिक लोक उपस्थित होते. त्याआधी विजय यांची नमक्कल येथे सभा झाली. विजय यांना करूर येथे पोहोचण्यास सहा तास उशीर झाला. रॅलीमध्ये १०,००० लोकांसाठी परवानगी होती, परंतु ५०,००० लोकांचा जमाव जमला होता. विजयला रॅलीमध्ये एक ९ वर्षांची मुलगी बेपत्ता असल्याचे सांगण्यात आले आणि त्याने मदतीसाठी आवाहन केले, ज्यामुळे त्या दरम्यान प्रचंड गर्दीने चेंगराचेंगरी झाली. दुर्घटनेची माहिती मिळताच राज्याचे आरोग्यमंत्री एम. ए. सुब्रह्मणियन यांनीही रुग्णालयात धाव घेतली. मुख्यमत्री एम. के. स्टॅलिन यांनी यांनी ‘एक्स’वर पोस्ट करून घटनेबाबत दुःख व्यक्त केले.

पोलिसांच्या सूचनेकडे दुर्लक्ष

                         गेल्या महिन्यांत त्रिची येथे झालेल्या सभेतही अशीच प्रचंड गर्दी झाली होती. २० मिनिटांच्या अंतरावर जाण्यासाठी सहा तास लागले होते. त्यामुळे पोलिसांनी विजय यांच्या सभेला अटी घातल्या होत्या. त्यानुसार विजय यांच्या ताफ्यात कोणीही सहभागी होणार नाही, गरोदर महिला, वृद्ध नागरिक आणि दिव्यांगांनी ऑनलाइन रॅली पाहावी, अशी सूचना पोलिसांनी केल्या होत्या. मद्रास उच्च न्यायालयानेही विजयच्या रॅलीतील गर्दीच्या सुरक्षितेवर निरीक्षण नोंदविले होते. त्यामुळे विजयनेही अनेकदा चाहत्यांना आवाहन केले होते. मात्र, तरीही अनेक जण मुले आणि नवजात बाळांना घेऊन रॅलीत सहभागी झाले.                       

Author: कामगार टाइम्स

0

0