महिलांच्या शोषणापासून राजकीय लागेबांध्यांपर्यंत एसआयटीच्या तपासाकडे राज्याचे लक्ष! २१ ऑक्टोबरच्या सुनावणीत दोषनिश्चितीचा मसुदा न्यायालयात; २७ ऑक्टोबरची पुढील सुनावणी, ईडीच्या सहा आरोपींवरील खटल्याची १६ नोव्हेंबरला महत्त्वपूर्ण सुनावणी; रुपाली चाकणकरांची एसआयटी चौकशी, पत्नी कल्पना खरातला सशर्त जामीन! नाशिक / मुंबई : धर्म, श्रद्धा, अध्यात्म आणि दैवी शक्तींच्या नावाखाली सामान्य नागरिकांचा विश्वास संपादन करून महिलांचे कथित लैंगिक शोषण, आर्थिक फसवणूक आणि कोट्यवधींच्या मालमत्ता व्यवहारांचे गंभीर आरोप असलेल्या स्वयंघोषित भोंदू अशोककुमार एकनाथ खरात याच्याविरोधातील कारवाई आता महत्त्वाच्या टप्प्यावर पोहोचली आहे. महिलांच्या तक्रारींपासून सुरू झालेल्या या प्रकरणाने आर्थिक गैरव्यवहार, बेनामी बँक खाती, संशयास्पद मालमत्ता व्यवहार आणि राजकीय वर्तुळातील संपर्कांपर्यंत अनेक गंभीर प्रश्न उपस्थित केले आहेत. मात्र, या सर्व आरोपांचा न्यायालयीन निकाल अद्याप लागलेला नाही. खरातच्या