अहमदाबाद : १२ जून रोजी अहमदाबादमध्ये झालेल्या विमान अपघाताच्या काळातील एक नवीन व्हिडिओ समोर आला आहे. या व्हिडिओमध्ये वैद्यकीय महाविद्यालयाचे विद्यार्थी वसतिगृहाच्या इमारतीच्या तिसऱ्या आणि चौथ्या मजल्यावरून उडी मारताना दिसत आहेत.

                         एअर इंडियाचे विमान विद्यार्थ्यांच्या वसतिगृहाच्या इमारतीवर कोसळले. त्याचा परिणाम वसतिगृहाच्या आजूबाजूच्या इमारतींवरही झाला. अनेक वसतिगृहांच्या इमारतींना आग लागली. व्हिडिओमध्ये दिसत आहे की, ज्या इमारतीच्या बाल्कनीतून विद्यार्थी खाली येण्याचा प्रयत्न करत आहेत त्या इमारतीच्या दोन्ही बाजूंना आग लागली आहे. विद्यार्थी चादरीच्या मदतीने चौथ्या मजल्यावरून तिसऱ्या मजल्यावर खाली येण्याचा प्रयत्न करत आहेत.