उपमुख्यमंत्री अजित पवार यांचे विमान अपघातात निधन

ताज्या घडामोडी — महाराष्ट्र सुन्न!

पुणे : पुणे जिल्ह्याच्या बारामती येथे बुधवारी सकाळी उपमुख्यमंत्री अजित पवार (66) यांच्या विमानाचा भीषण अपघात झाला. लँडिंगच्या वेळेस त्यांच्या चार्टर विमानाने धावपट्टीवरून घसरून क्रॅश लँडिंग झाले आणि अजित पवार यांच्यासह विमानातील सर्व प्रवासी ठार झाले, अशी माहिती मिळत आहे.

प्राप्त माहीतीनुसार, या अपघातात एकूण सहा जणांचा मृत्यू झाला आहे, ज्यात वैयक्तिक सहाय्यक, सुरक्षा कर्मचारी आणि विमानाचे कर्मचारी यांचाही समावेश आहे.

अपघात कसा झाला?

 विमान मुंबईहून बारामतीला येत होते. प्राथमिक अहवालानुसार लँडिंगच्या प्रयत्नात विमानात तांत्रिक अडचण किंवा अन्य कारणास्तव अपघात झाल्याचे वृत्त आहे.
पवार बारामतीमध्ये पंचायत निवडणुकीसाठी चार सभा घेण्यासाठी जात होते, अशी माहिती आहे.
आपत्कालीन सेवा आणि प्रशासन घटनास्थळी दाखल झाले असून तपास सुरू आहे. अपघाताच्या अधिकृत कारणाची माहिती अधिक तपासानंतर देण्यात येणार आहे.