छगन भुजबळ म्हणाले, “अधिकाराच्या लढाईत निमंत्रण लागत नाही, जिथे हक्कांवर आघात होतो तिथे टकराव आवश्यक असतो.” सभेत गडबड घालण्याचा कट असल्याची माहिती त्यांनी दिली आणि अशा लोकांना तिथेच अडवून पोलिसांच्या ताब्यात देण्याचे आवाहन केले.

                         लक्ष्मण हाके यांनी मनोज जरांगे यांच्यावर टीका करत म्हटले, “एका चौथी नापास माणसाच्या सांगण्यावरून ओबीसी आरक्षण धोक्यात आले आहे. आरक्षण म्हणजे सामाजिक प्रतिनिधित्व आहे, केवळ गरीबी हटाव नव्हे.” त्यांनी सरकारचा जीआर दाखवत तो “ओबीसी आरक्षण संपवणारा”, आणि “सर्वोच्च न्यायालयाचा अपमान करणारा” असल्याचा आरोप केला.

                         ते पुढे म्हणाले की, “मराठा समाजाला ओबीसीमध्ये सामावण्याचा प्रयत्न हा ओबीसींच्या हक्कांवर आक्रमण आहे. मागासवर्ग आयोग बंद करावा आणि न्यायालयाचे आदेश पाळावेत.” सभेत राज्यभरातील अनेक ओबीसी नेते उपस्थित होते, तर गोपीनाथ मुंडे यांच्या कार्याची आठवणही हाके यांनी केली.