देशात कोरोनाचे सक्रिय रुग्ण 7154 वर, 77 जणांचा मृत्यू

नवी दिल्ली/मुंबई/बेंगळुरू/तिरुवनंतपुरम : देशात कोरोना विषाणूचा नवीन प्रकार वेगाने पसरत आहे. ३० राज्ये आणि केंद्रशासित प्रदेशांमध्ये सक्रिय रुग्णांची संख्या ७१५४ वर पोहोचली आहे. एका आठवड्यापासून दररोज सरासरी ४०० नवीन रुग्णांची नोंद होत आहे. तथापि, बुधवारी फक्त ३३ रुग्णांची नोंद झाली. केरळमध्ये सर्वाधिक २१६५ रुग्ण आहेत.

                     आरोग्य विभागाच्या माहितीनुसार, गेल्या एका आठवड्यात कोरोनामुळे ३० जणांचा मृत्यू झाला आहे. नवीन व्हेरिएंटमुळे आतापर्यंत ७७ जणांचा मृत्यू झाला आहे. बुधवारी ३ जणांना आपला जीव गमवावा लागला. महाराष्ट्रात २, मध्य प्रदेश आणि पश्चिम बंगालमध्ये प्रत्येकी १ रुग्णाचा मृत्यू झाला आहे. महाराष्ट्रात सर्वाधिक २१ जणांचा मृत्यू झाला आहे.

                     गुजरातचे आरोग्यमंत्री ऋषिकेश पटेल यांनी बुधवारी सांगितले की, सर्दी, खोकला आणि घशात खवखव असलेल्या लोकांनी स्वतःला क्वारंटाइन करावे. सार्वजनिक ठिकाणी जाणे टाळावे. राज्यात वाढत्या रुग्णांच्या पार्श्वभूमीवर राज्य सरकार केंद्राच्या संपर्कात आहे.