महाराष्ट्र अंधश्रद्धा निर्मूलन समिती नागपूर आक्रमक

या अत्यंत निंदनीय, दुर्दैवी घटनेचा महाराष्ट्र अनिस राज्याच्या वतीने तीव्र निषेध करण्यात येवून प्रेस नोट प्रसिद्धीस दिली आहे.                                       

                       महाराष्ट्र अंधश्रद्धा निर्मूलन समिती नागपूरच्या वतीने मानकापूर पोलिस स्टेशन ला भेट देऊन घटनेचे गांभिर्य लक्षात घेवून कसून चौकशी करून आरोपींवर कायद्यानुसार कठोर कारवाई, करण्याची मागणी तसेच यापूर्वीही अश्या घटना अटकेतील गुन्हेगारांनी घडवून आणल्या आहेत काय? हे सुद्धा तपासून पहाण्याची मागणीे अंधश्रद्धा निर्मुलन समितीने केली आहे. ‘‘पैशाच्या पाऊस पाडण्याच्या नावाखाली मध्यरात्री नग्न पूजेच्या नावाखाली तीन अल्पवयीन मुलीवर अत्याचार’ केल्याची घटना घडली आहे. ही अत्यंत निंदनीय, दुर्दैवी घटना आहे. या घटनेचा महाराष्ट्र अनिस नागपूर व राज्याच्या वतीने तीव्र निषेध करण्यात येते.

                          अशा घटनांची पुनरावृत्ती होऊ नये. यासाठी महाराष्ट्र अंधश्रद्धा निर्मूलन समिती नागपूर जिल्हा सदैव प्रयत्नरत आहे. जादूटोणाविरोधी कायदयाचा प्रचार, प्रसार आणि अमलबजावणी करीता शहरात तसेच जिल्ह्यातील ग्रामिण वेगवेगळ्या भागातून कार्यक्रम घेऊन जनजागृती करीत असते. आता सुद्धा प्रकरण घडलेल्या परिसरात, व नागपूर जिल्ह्यात कार्यक्रम घेऊन जनतेला कायद्याचे मार्गदर्शन व माहिती देण्यात येईल असे महाराष्ट्र अंनिस तर्फे राम डोंगरे राज्य कार्यकारिणी सदस्य यांनी जाहीर केले. या वेळी एस. एन. उके गोधनी, अशोक राऊत, रमेश जवळे, वर्षा सहारे उत्तर नागपूर शाखा, विजयाताई ठाकरे कार्याध्यक्ष पश्चिम नागपुर शाखा, इंदू उमरे दक्षिण नागपूर शाखा उपस्थित होते.