जशपूर : छत्तीसगडच्या जशपूर जिल्ह्यात, दिल्लीतील एका तरुणाने एका मुलीचा अश्लील व्हिडिओ बनवला आणि तो सोशल मीडियावर व्हायरल केला. आरोपीने इन्स्टाग्रामवर पिडीता मुलीशी मैत्री केली, तिला आपल्या जाळ्यात अडकवले आणि नंतर व्हिडिओ कॉलद्वारे तीचा नग्न व्हिडिओ बनवला. हे प्रकरण कुंकूरी पोलिस स्टेशन परिसरातील आहे.

                          मिळालेल्या माहितीनुसार, आरोपीचे नाव कंवलजीत सिंग (२५) असून तोे दिल्लीचा रहिवासी आहे. आरोपीने अश्लील व्हिडिओ डिलीट करण्याच्या बदल्यात पिडीता मुलीला १ लाख रुपये मागितले. तीने पैसे न दिल्याने त्याने मुलीचे फेसबुक हॅक केले आणि अश्लील व्हिडिओ अपलोड केला. पोलिसांनी आरोपीला दिल्लीतून अटक केली आहे.

                         पीडितेने १८ जुलै २०२२ रोजी कुंकुरी पोलिस ठाण्यात तक्रार दाखल केली होती. पीडितेने सांगितले होते की ती इन्स्टाग्रामवर कंवलजीत सिंग उर्फ गुरदित सिंग नावाच्या व्यक्तीला भेटली होती. संभाषणादरम्यान दोघांमध्ये व्हिडिओ कॉलिंग देखील झाले. दरम्यान, आरोपीने मुलीचा अश्लील व्हिडिओ बनवला. यानंतर, आरोपीने व्हिडिओ व्हायरल करण्याची धमकी दिली आणि मुलीकडून पैसे मागितले. त्याने मुलीचे फेसबुक अकाउंट हॅक केले आणि नंतर तिच्या फेसबुक स्टोरीवर एक अश्लील व्हिडिओ पोस्ट केला. यामुळे गावात आणि समाजात मुलीची खूप बदनामी झाली असल्याचे तीने दिलेल्या तक्रारीत म्हटले आहे.

                        सदर प्रकरणात कुंकुरी पोलिसांनी भारतीय दंड संहितेच्या कलम 309 (4) आणि आयटी कायद्याच्या कलम ६७, ६७ अ आणि ६७ ब अंतर्गत गुन्हा दाखल केला. तपासादरम्यान, आरोपीच्या सोशल मीडिया आयडी आणि मोबाईल नंबरच्या तांत्रिक तपासणीत तो दिल्लीतील गुरुनानक नगर पोलिस स्टेशन टिळक नगर परिसरात असल्याचे समोर आले.

 आरोपी पोलीसांना चकमा देवून, वारंवार लपण्याची जागा बदलायचा

                      पोलिसांनी सांगितले की, आरोपी पोलीसांना चकमा देवून, वारंवार लपण्याची जागा बदलून पळून जायचा. पोलिसांनी एका खबर्याच्या माहितीवरून आरोपीला दिल्लीहून ताब्यात घेतले. चैकशी दरम्यान, आरोपी कंवलजीत सिंग उर्फ गुरदित सिंग (२५) याने आपला गुन्हा कबूल केला.

                     एसपी शशी मोहन सिंह म्हणाले की, आरोपीला अटक करण्यात आली आहे. त्याला न्यायालयात हजर केल्यावर तेथून न्यायालयाने त्याची तुरुंगात रवानगी केली. त्यांनी असेही सांगितले की, ‘ऑपरेशन अंकुश’ अंतर्गत कारवाई करण्यात आली आहे. महिला आणि मुलींवरील गुन्ह्यांबद्दल पोलिस पूर्णपणे संवेदनशील असून अश्या प्रकरणांमध्ये आरोपींना अटक करण्याचे काम सुरू आहे.