राज्यातील स्थानिक स्वराज्य संस्थांच्या निवडणुका अखेर जाहीर!

राज्यातील स्थानिक स्वराज्य संस्थांच्या निवडणुका अखेर जाहीर! 

2 डिसेंबरला मतदान, 3 डिसेंबरला निकाल

मुंबई : राज्यातील गेल्या अनेक वर्षांपासून प्रलंबित असलेल्या स्थानिक स्वराज्य संस्थांच्या निवडणुकांचा बिगुल अखेर वाजला आहे! राज्य निवडणूक आयोगाने आज भव्य पत्रकार परिषद घेऊन 246 नगरपरिषद आणि 42 नगरपंचायतींचा निवडणूक कार्यक्रम जाहीर केला.

📅 मतदान – 2 डिसेंबर 2025
📊 मतमोजणी – 3 डिसेंबर 2025
राजपत्रातील अधिकृत निकाल – 10 डिसेंबर 2025

राज्यातील 1 कोटी 7 लाखांहून अधिक मतदार आपले प्रतिनिधी निवडणार असून, या निवडणुका ईव्हीएम आणि बॅलेट युनिटद्वारे पार पडतील, अशी माहिती राज्य निवडणूक आयुक्त दिनेश वाघमारे यांनी दिली.

🕐 निवडणुकीचा तपशीलवार कार्यक्रम

📣 मतदार जनजागृतीवर विशेष भर

                         मतदानाचे प्रमाण वाढवण्यासाठी आयोगाने सर्व जिल्हाधिकाऱ्यांना आणि नगरपरिषद/नगरपंचायतींच्या अधिकाऱ्यांना मोठ्या प्रमाणावर मतदार जागृती मोहीम राबविण्याचे आदेश दिले आहेत. पारंपरिक माध्यमांसह सोशल मीडियाचा प्रभावी वापर करण्यावरही भर देण्यात आला आहे.

👥 प्रशासनिक तयारी पूर्ण

                         या निवडणुकांसाठी 288 निवडणूक निर्णय अधिकारी आणि तेवढ्याच संख्येने सहायक निर्णय अधिकारी नेमण्यात आले आहेत. सुमारे 66,775 कर्मचारीवर्गाची तयारी पूर्ण असून, सर्व जिल्हाधिकाऱ्यांना आवश्यक मनुष्यबळाची सूचना देण्यात आली आहे.

🌐 मतदार आणि उमेदवारांसाठी संकेतस्थळे

• मतदार यादी तपासण्यासाठी: 🔗 https://mahasecvoterlist.in
  → नाव किंवा EPIC क्रमांक टाकून आपले नाव व मतदान केंद्र शोधता येईल.

• नामनिर्देशनपत्र दाखल करण्यासाठी: 🔗 https://mahasecelec.in
  → उमेदवारांनी ऑनलाईन फॉर्म भरून, प्रिंटआऊट काढून स्वाक्षरीसह संबंधित अधिकाऱ्याकडे सादर करावा.

💰 उमेदवारांच्या खर्च मर्यादा वाढविल्या

                         राज्य निवडणूक आयोगाने खर्च मर्यादा वाढवून खालीलप्रमाणे जाहीर केल्या आहेत —

🗳️ मतदान केंद्रे व ईव्हीएम व्यवस्था

                         राज्यात 13,355 मतदान केंद्रे तयार करण्यात आली असून 13,726 कंट्रोल युनिट्स आणि 27,452 बॅलेट युनिट्स उपलब्ध आहेत. पुरेशी पर्यायी यंत्रणा देखील सज्ज आहे.

📈 एकूण मतदार व जागा

एकूण निवडणुकीतील जागा: 6,859

• महिलांसाठी : 3,492

• अनुसूचित जाती : 895

• अनुसूचित जमाती : 338

• नागरिकांचा मागासवर्ग : 1,821

⚖️ आचारसंहिता लागू

                         कार्यक्रम जाहीर होताच सर्व संबंधित नगरपरिषदा व नगरपंचायतींच्या क्षेत्रात आदर्श आचारसंहिता लागू झाली आहे. या काळात शासनाला कोणतेही धोरणात्मक निर्णय घेता येणार नाहीत. मात्र, नैसर्गिक आपत्तीविषयक तातडीचे निर्णय यामध्ये अपवाद राहतील.

📢 थोडक्यात : 2 डिसेंबरला मतदान करून आपले लोकशाही हक्क बजावायला विसरू नका!

Author: कामगार टाइम्स

0

0