वीज बिलवाढीविरोधात MSEB कार्यालयावर धडक,     

२०० नागरिकांचे लेखी अर्ज

सावनेर – प्रतिनिधी : सावनेर शहरासह संपूर्ण तालुक्यात महाराष्ट्र राज्य वीज वितरण कंपनी (MSEB)च्या कर्मचाऱ्यांनी घरमालकांची पूर्वपरवानगी न घेता जुन्या इलेक्ट्रिक मीटरची नव्या मीटरने मोठ्या प्रमाणावर अदलाबदल केली आहे. मीटर बदलल्यानंतर नागरिकांच्या वीजबिलात अचानक झालेल्या प्रचंड वाढीमुळे जनतेत संतापाची लाट उसळली आहे. पूर्वी ₹400–₹500 येणारे बिल आता थेट ₹2000–₹2500 पर्यंत पोहोचल्याची नागरिकांची तक्रार आहे.

                         या गंभीर समस्येच्या निषेधार्थ आम आदमी पार्टी सावनेरच्या वतीने सौ. अश्विनी पंकज घाटोडे यांच्या नेतृत्वाखाली MSEB कार्यालयावर धडक देत जोरदार निवेदन देण्यात आले. सुमारे 200 नागरिकांनी स्वाक्षरी केलेले अर्ज सादर करून “नवीन मीटर तात्काळ हटवून जुन्या मीटरची पुनर्बांधणी करण्यात यावी” अशी ठाम मागणी प्रशासनापुढे करण्यात आली.

निवेदनात पुढे म्हटले आहे की,

• नागरिकांच्या परवानगीशिवाय बसविण्यात आलेले नवीन मीटर तत्काळ काढण्यात यावेत,

• वाढलेली वीजबिले रद्द करून जुन्या मीटरच्या नोंदीवर पुनर्बिलिंग करावे,

• नागरिकांना अनावश्यक आर्थिक बोजा न लादता समस्या तातडीने सोडवावी.

                        या वेळी पंकज घाटोडे, प्रकाश ढोबळे, संजय टेंभेकर, जामवंत वारकरी, संजय राऊत, गजु चौधरी यांनी वाढलेल्या बिलासह नागरिकांच्या विविध तक्रारी कार्यकारी अभियंत्यांसमोर मांडल्या. मीटर बदलल्यानंतरच बिलात वाढ झाल्याचे नागरिकांनी स्पष्टपणे सांगितले.

                       निवेदनादरम्यान प्रेमीला टेंभेकर, अनिता धनवले, ज्योती बुधोलिया, श्रेया वारकरी, रूही शेख, वैशाली जवंजाळ, नेहा शेख, पायल बन्सोड, अरुण गुरव, कालिदास बुधोलिया, मोरेश्वर वाघमारे, योगेश राऊत, छत्रपती लांबट, दिनेश मछले, रवी वानखेडे, महेंद्र गोंढाणे, अनामिका ढिमोले, रुई शेख, अन्सार शेख, कुणाल कोलते, बंडू चौरागडे, प्रमोद तिखे, गिरीश फळके, रमेश धनोले, वैष्णव ठाकूर, शुभम बन्सोड, शुभम साबळे, विजय डोंगरे, रितेश घोळसे, गौरव घोळसे, उमेश घोळसे, यश लाडे, किशोर महंत, यश मोगरे तसेच इतर कार्यकर्ते आणि नागरिक मोठ्या संख्येने उपस्थित होते.

आम आदमी पक्षाने यावेळी स्पष्ट इशारा :

“नवीन मीटर हटवून जुने मीटर पुनर्स्थापित न केल्यास तीव्र आंदोलन उभारले जाईल, आणि त्याची संपूर्ण जबाबदारी MSEB प्रशासनावर राहील.”