दाव्यासाठी ३ वर्षांची मुदत अनुकंपा तत्त्वांमध्ये दावा करण्यासाठी आता तीन वर्षे मुदत आणि उमेदवार बदलण्याची सोय देण्यात आली आहे. त्यामुळे अधिकाधिक उमेदवार पात्र ठरले आहेत. याचा फायदा कसा झाला, हेही जिल्हाधिकारी येरेकर यांनी यावेळी स्पष्ट केले. कार्यक्रमादरम्यान वन विभागात नवनियुक्त कर्मचारी ज्योती कोरडे आणि पोलीस विभागातील धनश्री टेकाम यांनी मनोगतही व्यक्त केले.

अनुकंपा नियुक्तीचे नियम सोपे : विभागीय आयुक्त सिंघल

                        विभागीय आयुक्त सिंघल यांनी, शासनाने अनुकंपा तत्त्वावरील नियुक्तीचे नियम सोपे केल्यामुळे पात्र उमेदवारांना मोठ्या प्रमाणावर नियुक्ती देण्याचा मार्ग मोकळा झाला आहे. जिल्ह्यात साधारणतः ४०० जणांना, तर अमरावती विभागात १ हजार १०० उमेदवारांची नियुक्ती करण्यात आली आहे. या नियुक्त्यांसाठीचे सर्व विभागांनी सकारात्मक दृष्टिकोन बाळगला, तसेच त्यांनी सक्रीय योगदान दिल्यामुळे नियुक्त्या करणे शक्य झाले आहे. अनुकंपा तत्त्वावरील उमेदवार चांगल्या पद्धतीने लोकाभिमुख कामे करतील, असा विश्वासही त्यांनी यावेळी व्यक्त केला.