प्रकरणातील अधिकची माहिती अशी की, मुलगी साधना भोसले (17) ही आटपाडी येथे बारावीत विज्ञान शाखेत शिक्षण घेत होती. तिचे वडील धोंडीराम भोसले हा मुख्याध्यापक आहे. साधनाला बारावीच्या चाचणी परीक्षेत कमी मार्क मिळाले होते याची माहिती वडिलाला कळताच त्याचा संताप अनावर झाला. शुक्रवारी रात्री 9.30 च्या सुमारास बापाने साधनाला रागावण्यास सुरू केले. त्यानंतर संतापलेल्या बापाने लाकडी खुंट्याने बेदम मारहाण करण्यास सुरुवात केली. या मारहाणीत साधना गंभीर जखमी झाली व त्यातच तिचा मृत्यू झाला.

                         साधनाला डॉक्टर बनायचे होते, परंतु नीटच्या चाचणी परीक्षेत तिला कमी मार्क मिळाले होते. कमी मार्क पडले म्हणून वडील धोंडीराम संतापला आणि रागाच्या भरात बेदम मारहाण केली. या मारहाणीत साधना गंभीर जखमी झाली होती. तिला रुग्णालयात उपचारासाठी न नेता दुसऱ्या दिवशी आरोपी बाप धोंडीराम योग दिन साजरा करण्यासाठी शाळेत निघून गेला. घरी परतल्यावर साधना बेशुद्ध अवस्थेत त्यांना आढळून आली. त्याने रुग्णालयात दाखल केले, परंतु उपचार घेण्यापूर्वीच साधनाचा मृत्यू झाला होता.

                         या घटनेने परिसरात एकच खळबळ उडाली असून पोटच्या लेकीला अशी अमानुष मारहाण करणाऱ्या आरोपी बापाबद्दल संतापाची लाट उसळली आहे. पोलिसांनी साधनाच्या आईच्या फिर्यादीवरून वडील धोंडीराम भोसले यांना अटक केली आहे. पोटच्या मुलीसोबत हा इतका निर्दयी व्यवहार करतो, त्याची त्याच्या शाळेतील विद्याथ्र्यांसोबत वर्तणूक कशी असेल यावर पालकांमध्ये शंकाकुशंकांना पेव फुटले आहे.

Author: कामगार टाइम्स