पत्नीमुळे त्रस्त असलेल्या अभियंत्याने केली आत्महत्या

बेगू (चित्तोडगड) : सोमवारी रात्री चेन्नईमध्ये चित्तोडगड येथील एका इलेक्ट्रिकल इंजिनिअरने गळफास घेऊन आत्महत्या केली. सरित चिपा (३०) टाटा कंपनीत इंजिनियर होता. तरुणाने मृत्यूपुर्वी सुसाईड नोटची अनेक पाने भिंतीवर चिकटवली. त्याने लिहिले – पत्नी मला त्रास देते. तिला घटस्फोट हवा आहे, सासरे १० लाख रुपये मागतात. इंजिनिअरने चिठ्ठीत आपल्या मुलासाठी एक संदेशही सोडला.

९ महिन्यांपूर्वी बंगळुरूमध्ये एका एआय इंजिनिअरच्या आत्महत्येची घटना समोर आली होती. इंजिनिअरने त्याच्या मृत्यूसाठी त्याची पत्नी, सासू, मेहुणे आणि चुलत भाऊ यांना जबाबदार धरले होते.

                         मदनलाल चिपा यांचा मुलगा बेगू येथील रहिवासी अभियंता सरित चिपा (३०) याने आत्महत्या करण्यापूर्वी आपल्या मुलासाठी, पत्नीसाठी आणि कुटुंबासाठी व्हिडिओ बनवले. ते त्याने आपल्या मोबाईलवर शेअर केले. एवढेच नाही तर त्याने एक सुसाईड नोट लिहून खोलीच्या भिंतीवर चिकटवली.

                         सरितचा विवाह ४ वर्षांपूर्वी बेगू येथील रहिवासी नवलकिशोर छिपा यांची मुलगी माला छिपा (३०) हिच्याशी झाला होता. लग्नानंतर पती-पत्नी चेन्नईमध्ये राहत होते. त्यांना दोन वर्षांचा मुलगा आहे. महिनाभरापूर्वी, माला सरितला सोडून बेगू येथील तिच्या आईवडिलांच्या घरी गेली. सरितने आरोप केला की माला तिच्या आईवडिलांच्या दबावाखाली घटस्फोट देत आहे. तिला पैसे उकळायचे आहेत. तिला मुलगा हिसकावून घ्यायचा आहे.

बेरोजगारी, खाजगी नोकरीतील अनिश्चितता, वाढता ताण व  नैराश्यातून वाढत्या आत्महत्या व खूनासारख्या घटनां चिंतेचा विषय

                        इंजिनिअर सरित चिपा यांचे लग्न चार वर्षांपूर्वी मालाशी झाले होते. त्यांना दोन वर्षांचा मुलगा आहे. तरूण नवविवाहीतांच्या वाढत्या घटना ही गंभीर सामाजिक समस्या आहे. बेरोजगारी, खाजगी नोकरीतील अनिश्चितता, वाढता ताण, वाढीव कामाच्या तासातून व स्थलांतराने तसेच स्वााभाविक अवैध संबंधातून निर्माण होणारे नैराश्यातून वाढत्या आत्महत्या व खूनासारख्या घटनांमध्ये लक्षणीय वाढ झाली आहे. हा अतिशय चिंतेचा विषय आहे.