नांदेडमधील बोरगावची घटना; तिसरा भाऊ जखमी
नांदेड : लोखंडी लग्न मंडपाला पडदे बांधत असताना अचानक आलेल्या वादळामुळे मंडप उडाला. त्यामुळेवर असलेल्या उच्चदाब वीजवाहिनीला मंडपाचा स्पर्श झाला. या घटनेत मंडप बांधण्याचे काम करणाऱ्या ५ कामगारांपैकी तिघांना विजेचा धक्का लागून ते खाली पडले. त्यातील दोघा चुलतभावांचा मृत्यू झाला तर तिसरा गंभीर जखमी झाला. जखमीवर हदगाव येथील उपजिल्हा रुग्णालयात उपचार सुरू आहेत. ही घटना रविवारी (२० एप्रिल) मध्यरात्री १ वाजेच्या सुमारास बोरगाव (ता.हदगाव) येथे घडली. या घटनेत पांडुरंग भट्टेवाड (२४)आणि साईनाथ भट्टेवाड (२३) यांचा मृत्यू झाला, तर शिवप्रसाद भट्टेवाड याच्यावर उपचार सुरू आहेत.
बोरगाव (ह) येथील प्रकाश शिंदे यांच्या मुलीचे रविवारी लग्न होते. लग्नासाठी लोखंडी पाइपांचा मंडप टाकण्याचे काम मध्यरात्रीपासून सुरू होते. त्याचवेळी अचानक सोसाट्याचा वारा सुटल्याने अर्धवट अवस्थेत बांधलेला मंडप उचलला गेला. वर असलेल्या उच्चदाब वीजवाहिनीला मंडपाचा स्पर्श झाला. त्यामुळे मंडपाला पकडून ठेवणाऱ्या ५ जणांना शॉक लागला. सर्वांना तातडीने रुग्णालयात हलवले, दोघांना मृत घोषित केले.
शवविच्छेदनानंतर मृतदेह संतप्त नातेवाइकांनी महावितरणच्या कार्यालयात
शवविच्छेदनानंतर मृतदेह संतप्त नातेवाइकांनी महावितरणच्या कार्यालयात आणले. ग्रामपंचायत कार्यालयाने अनेकवेळा ठराव घेऊनही गावातील ११ केव्ही क्षमतेची उच्चदाब वीजवाहिनी ग्रामपंचायतआणि सोसायटीच्या प्रांगणातून महावितरणने हटवली नाही, असाआरोप केला.
Users Today : 1
Users Yesterday : 61