तालुका समन्वय व पुनर्विलोकन समितीची बैठक धडाक्यात संपन्न
डाॅ. पोतदारांची ‘भ्रष्टाचाराविरूद्ध फाईट,
सारे अधिकारी-कर्मचारी झाले टाइट’
काटा वृत्तसेवा I
कळमेश्वर : अधिकारी व कर्मचाऱ्यांनी आपली निहीत जबाबदारी व कर्तव्याचे भान ठेवून तक्रारदाराचे तात्काळ समाधान करण्यासोबतच पैसे खाण्याऱ्यांना ACB चे TRAP लावण्याची धमकीवजा सूचना डाॅ. पोतदार यांनी केली आहे. ते कळमेश्वर तालुका समन्वय व पुनर्विलोकन समितीच्या आयोजीत पहिल्या बैठकीत बोलत होते. डाॅ. पोतदार यांची कळमेश्वर तालुका समन्वय व पुनर्विलोकन समितीच्या अध्यक्षपदी शासनाने नुकतीच नियुक्ती केली आहे.
कळमेश्वर तहसील कार्यालयात मंगळवारी (दि.29) समितीची आढावा बैठक आयोजित करण्यात आली होती. या बैठकीच्या अध्यक्षस्थानी डाॅ. पोतदार होते. यावेळी प्रमुख उपस्थितीत आ. डाॅ. आशिष देशमुख, भाजपा जिल्हाध्यक्ष मनोहर कुंभारे, तालुका अध्यक्ष प्रमोद हत्ती, ईश्वर यावलकर, अजय वाटकर, धनराज देवके, दिलीप धोटे, मीना तायवाडे, संदीप उपाध्याय, बेबीताई धुर्वे, प्रतीक कोल्हे, महादेव इखार, प्रकाश वरुडकर, दिलीप तायवाडे, वैभव टेकाडे, मंगेश चौरे, स्वप्नील चौधरी, उपविभागीय अधिकारी संपत खलाटे, तहसीलदार विकास बिक्कड, ठाणेदार मनोज काळबांडे, मिलिंद शिंदे, उपअधिक्षक, भूमी अभिलेख कार्यालय, नायब तहसीलदार ज्योती जाधव, संदीप तडसे तसेच पंचायत समिती, पाटबंधारे विभाग, राज्य विद्यृत वितरण, एस टी महामंडळ इ. सह विविध विभागांचे शासकीय अधिकारी उपस्थित होते.
सभेत डाॅ. पोतदार यांनी स्पष्टपणे निर्देश दिले की, संजय गांधी व श्रावणबाळ योजनेंतर्गत एकही लाभार्थी अनुदानापासून वंचित राहू नये. यासाठी मंडळ व गाव पातळीवर लाभार्थ्यांच्या घरी जाऊन डीबीटी प्रक्रिया पूर्ण करण्यासह शासनाच्या सर्वच विभागांवर बारकाईने लक्ष ठेवण्याच्या सुचना तालुका समन्वय व पुनर्विलोकन समितीचे सचिव तथा तहसीलदार विकास बिक्कड यांना केल्या.
आढावा बैठकीत सर्वाधिक तक्रारी भूमी अभिलेख कार्यालयाच्या संदर्भात होत्या. यावर तात्काळ कार्यवाही करण्याचे आदेश संबंधित अधिकार्यांना देण्यात आले. रेल्वे पुलाखालील आसरा माता मंदिराजवळचा खड्डा तात्काळ भरून काढण्याचे निर्देश न. प. मुख्याधिकारी आकाश सुरडकर यांना दिले.
यावेळी आ. डाॅ. आशिष देशमुख यांनी अधिकार्यांनी ‘राईट टू सर्वि्सेस’ कायद्याचे पालन करण्याच्या तसेच भ्रष्टाचार व बेकायदेशीर कामे करणाऱ्यांवर कठोर कारवाईसह उत्कृष्ट कार्य करणाऱ्यांना सन्मानित करण्यात येणार असल्याचे सांगितले. भाजपा जिल्हाध्यक्ष मनोहर कुंभारे यांनी बोगस लाभार्थ्यांवर कारवाई करण्याची मागणी केली. या बैठकीत कळमेश्वर तालुक्यातील मोहपा, सावनेर ग्रामिण भागातील नागरिकांसह अनेक ग्रामपंचायतचे सरपंच व सदस्यांसह मोठया संख्षेने उपस्थित होते. सभेचे संचालन मंगेश ढवळे यांनी केले.
0
0
