मतदार नोंदणीसाठी पदवीधरांना आवाहन

(Nagpur Graduates’ Constituency of Maharashtra Legislative Council)

नागपूर पदवीधर विधानपरिषद मतदारसंघ

का टा वृत्तसेवा I मनिष निंबाळकर

नागपूर : आगामी नागपूर पदवीधर विधानपरिषद मतदारसंघाच्या निवडणुकीसाठी मतदार यादी तयार करण्याचे काम सुरु झाले असून पात्र पदवीधरांनी तातडीने नोंदणी करण्याचे आवाहन निवडणूक आयोगाकडून करण्यात आले आहे.

                        महाराष्ट्रातील पदवीधर व शिक्षक मतदारसंघांसाठी मतदार नोंदणीसाठी १ नोव्हेंबर २०२५ ही अर्हता दिनांक (Qualifying Date) ठरवण्यात आली आहे. यानुसार तीन वर्षांपूर्वी किंवा त्यापूर्वी कोणत्याही मान्यताप्राप्त विद्यापीठाची पदवी घेतलेले नागरिक या मतदारसंघासाठी मतदानाचा हक्क प्राप्त करू शकतात.

                        नोंदणीसाठी आवश्यक असलेला फॉर्म-१८ ऑनलाइन किंवा संबधित जिल्हाधिकारी कार्यालयातून उपलब्ध असून, त्यासोबत पदवी प्रमाणपत्राची प्रत, ओळखपत्र व राहण्याचा पुरावा जोडणे बंधनकारक आहे.

महत्वाच्या तारखा :

• नोंदणी सुरू : ३० सप्टेंबर २०२५

• दावे-हरकती सादर करण्याची शेवटची तारीख : ६ नोव्हेंबर २०२५

• मसुदा मतदार यादी प्रकाशन : २५ नोव्हेंबर २०२५

• अंतिम मतदार यादी प्रकाशन : ३० डिसेंबर २०२५

                        २०२० मध्ये या मतदारसंघात सुमारे दोन लाखांहून अधिक मतदारांची नोंदणी झाली होती. यावर्षी ही संख्या अधिक वाढण्याची शक्यता असल्याचे निवडणूक विभागाचे म्हणणे आहे.

                        नागपूर विभागातील सर्व पात्र पदवीधरांनी लोकशाहीच्या बळकटीसाठी व आपला मतदारसंघ अधिक सक्षम करण्यासाठी मोठ्या संख्येने नोंदणी करून आगामी निवडणुकीत सहभाग घ्यावा, असे आवाहन करण्यात आले आहे.

‘पदवीधर मतदारसंघ’ म्हणजे?

                        ‘पदवीधर मतदारसंघ’ म्हणजे विधानपरिषदेसाठी असा मतदारसंघ जिथे मतदान करण्याचा हक्क फक्त पदवीधरांनी (शिक्षण पूर्ण केलेले व्यक्ती) असतो. नागपूर पदवीधर मतदारसंघ हे महाराष्ट्रातील अशा पदवीधर विधानपरिषद मतदारसंघांपैकी एक आहे.

                         हे मतदारसंघ नागपूर विभागात येणाऱ्या अनेक जिल्ह्यांना व्यापते (उदा. नागपूर, वर्धा, भंडारा, चंद्रपूर, गोंदिया, गडचिरोली) – अर्थात या विभागातील पात्र पदवीधर नागरिकांना त्याच्या घरातून किंवा नोंदणीकृत ठिकाणापासून हे मतदारसंघ लागू होतो.

वर्तमान सदस्य अभिजित गोविंदराव वांजरी हे नागपूर पदवीधर विधानपरिषद मतदारसंघाचे सध्याचे सदस्य आहेत. ते भारतीय राष्ट्रीय काँग्रेसचे नेते आहेत. २०२० च्या निवडणुकीत त्यांनी भाजपा उमेदवारांना १८,९१० मतांनी पराभूत केले.

Author: कामगार टाइम्स