शाहरुख खानच्या ताफ्यात ‘Cadillac Escalade’

5.5 कोटींची जगातील सर्वात बोल्ड SUV चर्चेत

अमेरिकेतून आयात केली आलिशान फुल-साइज लक्झरी SUV

मुंबई : बॉलिवूडचा बादशाह आणि चाहत्यांचा लाडका अभिनेता शाहरुख खान पुन्हा एकदा आपल्या आलिशान लाइफस्टाइलमुळे चर्चेत आला आहे. “शाहरुख खानची Cadillac Escalade” सध्या सोशल मीडियावर मोठ्या प्रमाणात व्हायरल होत असून, या लक्झरी SUV ची किंमत तब्बल 5.5 कोटी रुपयांपेक्षा जास्त असल्याची माहिती समोर आली आहे.

                        रोल्स रॉयस कलिनननंतर आता शाहरुख खानने आपल्या कार कलेक्शनमध्ये अमेरिकन ऑटोमोबाईल कंपनी जनरल मोटर्सची जगप्रसिद्ध फुल-साइज SUV Cadillac Escalade समाविष्ट केली आहे.

                       विशेष म्हणजे ही SUV भारतात अधिकृतपणे विकली जात नाही. त्यामुळे मोजक्याच उद्योगपती आणि सेलिब्रिटींकडे ही कार आहे. आता “शाहरुख खानची Cadillac Escalade” या एलिट क्लबमध्ये दाखल झाली आहे.

अमेरिकेतून थेट आयात

मिळालेल्या माहितीनुसार, शाहरुख खानने ही SUV थेट अमेरिकेतून आयात केली आहे. भारतात या गाडीवर मोठ्या प्रमाणात आयात शुल्क आणि कर आकारले जातात. त्यामुळे अमेरिकेत 90 लाख ते 1.5 कोटी रुपयांदरम्यान मिळणारी ही SUV भारतात तब्बल 5.5 कोटी रुपयांपर्यंत पोहोचते. शाहरुखने या गाडीत आपल्या गरजेनुसार अनेक कस्टमायझेशनदेखील केले आहेत. विशेषतः राइट-हँड ड्राइव्ह सिस्टीमसह काही प्रीमियम फीचर्स खास मागवण्यात आल्याची चर्चा आहे.

‘किंग’ चित्रपटापूर्वी नवी लक्झरी एन्ट्री

शाहरुख खानचा आगामी ‘King’ चित्रपट लवकरच प्रेक्षकांच्या भेटीला येणार आहे. याच पार्श्वभूमीवर त्याची नवी लक्झरी SUV मुंबईच्या रस्त्यांवर दिसली आणि सोशल मीडियावर तिचे फोटो व व्हिडिओ व्हायरल झाले. चाहत्यांमध्ये “शाहरुख खानची Cadillac Escalade” प्रचंड चर्चेचा विषय ठरली आहे.

भारतातील मोजक्याच लोकांकडे ही SUV

                        Cadillac Escalade ही जगातील सर्वात मोठ्या आणि बोल्ड SUV पैकी एक मानली जाते. ही SUV भारतात अधिकृतपणे उपलब्ध नसल्यामुळे ती केवळ आयात करूनच वापरता येते. सध्या उद्योगपती मुकेश अंबानी आणि काही मोजक्या उच्चभ्रू व्यक्तींकडेच ही SUV असल्याचे सांगितले जाते. आता शाहरुख खानही या लक्झरी क्लबचा भाग बनला आहे. अमेरिकेच्या राष्ट्राध्यक्षांच्या ताफ्यातदेखील Cadillac Escalade सारख्या SUV चा वापर मोठ्या प्रमाणात केला जातो.

दमदार इंजिन आणि जबरदस्त पॉवर

                      Cadillac Escalade मध्ये 6.2-लीटर V8 पेट्रोल इंजिन देण्यात आले आहे. हे इंजिन तब्बल 682 HP पॉवर आणि 885 Nm टॉर्क निर्माण करते. SUV मध्ये 10-स्पीड ऑटोमॅटिक ट्रान्समिशन दिले असून, ही गाडी अवघ्या 4.2 सेकंदांत 0 ते 100 किमी प्रतितास वेग पकडू शकते.

यामुळे “शाहरुख खानची Cadillac Escalade” केवळ लक्झरी नाही तर परफॉर्मन्सच्या बाबतीतही अत्यंत दमदार मानली जाते.

0

0