लोकसंख्यावाढीच्या मुद्द्यावर ओवेसींची अप्रत्यक्ष टीका

 नवनीत राणांचा प्रत्युत्तरादाखल आरोप

अमरावती : एआयएमआयएमचे अध्यक्ष व खासदार असदुद्दीन ओवेसी यांनी अमरावती महानगरपालिका निवडणुकीच्या प्रचारादरम्यान अप्रत्यक्षपणे माजी खासदार नवनीत राणा यांच्या वक्तव्यावर टीका केली. रविवारी (४ जानेवारी) शहरात झालेल्या सभेत बोलताना ओवेसी म्हणाले की, “कोणी कितीही मुलं जन्माला घालावीत, यावर कुणीही अडथळा आणत नाही,” असे विधान त्यांनी कोणाचेही नाव न घेता केले.

काही दिवसांपूर्वी नवनीत राणा यांनी लोकसंख्यावाढीच्या मुद्द्यावर केलेल्या वक्तव्याच्या पार्श्वभूमीवर ओवेसींची ही प्रतिक्रिया महत्त्वाची मानली जात आहे. मात्र सभेदरम्यान ओवेसी यांनी राणांचे नाव थेट घेतले नाही.

दरम्यान, ओवेसी यांच्या या वक्तव्यावर प्रतिक्रिया देताना नवनीत राणा यांनी त्यांच्यावर टीका केली. त्यांनी ओवेसींवर संविधानासंदर्भात भूमिका स्पष्ट न केल्याचा आरोप केला. ओवेसी यांचे वक्तव्य संविधानिक मूल्यांशी सुसंगत नाही, असा दावा करत त्यांनी त्यांच्या राजकीय भूमिकेवर प्रश्न उपस्थित केले.

या विधानांमुळे अमरावतीतील राजकीय वातावरण तापले असून, आगामी महापालिका निवडणुकीच्या पार्श्वभूमीवर आरोप-प्रत्यारोपांची तीव्रता वाढत असल्याचे चित्र आहे.

0

0