फेटरी–गोंडखैरी मार्गावर भीषण अपघात; युवकाच्या मृत्यूची प्राथमिक माहिती

शेडोफॅक्स कंपनीत सुरक्षा रक्षक म्हणून कार्यरत असल्याची माहिती; अपघाताचे कारण अद्याप अस्पष्ट

कळमेश्वर | प्रतिनिधी : सतीश पांडे

ब्रेकिंग न्यूज : फेटरी–गोंडखैरी मार्गावर झालेल्या भीषण अपघातात एका युवकाचा मृत्यू झाल्याची प्राथमिक माहिती समोर आली आहे. या दुर्घटनेत मोहित नामक युवकाचा मृत्यू झाल्याचे समजते. मात्र, याबाबतची अधिकृत माहिती संबंधित यंत्रणांकडून अद्याप स्पष्ट झालेली नाही.

                         मिळालेल्या प्राथमिक माहितीनुसार, मोहित हे शेडोफॅक्स कंपनीमध्ये सुरक्षा रक्षक म्हणून कार्यरत होते. अपघाताची माहिती मिळताच सामाजिक कार्यकर्ते व रुग्णसेवक मंगेश गमे, अनुग्रह तिडके, मुस्ताक शेख, सुमित गमे आणि रोशन आगरकर यांनी ॲम्ब्युलन्ससह घटनास्थळी धाव घेतली. तसेच तातडीने मदतकार्य सुरू करण्यात आले.

अपघाताचे नेमके कारण अद्याप स्पष्ट नाही

                       या दुर्घटनेचे नेमके कारण अद्याप समोर आलेले नाही. पोलिसांकडून घटनेची माहिती घेऊन पुढील तपास सुरू असून, तपासाअंती अपघाताचे कारण आणि घटनेची संपूर्ण माहिती स्पष्ट होण्याची शक्यता आहे.

परिसरात हळहळ

या घटनेमुळे फेटरी–गोंडखैरी परिसरात हळहळ व्यक्त होत आहे. युवकाच्या कुटुंबीयांबाबतही नागरिकांकडून संवेदना व्यक्त करण्यात येत आहेत.

वाहनचालकांनी काळजी घेण्याचे आवाहन

अशा दुर्घटना टाळण्यासाठी वाहनचालकांनी वेगावर नियंत्रण ठेवावे, वाहतूक नियमांचे पालन करावे आणि रस्त्यावरील परिस्थितीनुसार वाहन चालवावे, असे आवाहन करण्यात येत आहे. प्रवासात घाईपेक्षा सुरक्षिततेला प्राधान्य देणे आवश्यक आहे.

1

0