महाराष्ट्र दिन व कामगार दिनानिमित्त ध्वजारोहण
वाढत्या वीज मागणीच्या पार्श्वभूमीवर नागरिक व कर्मचाऱ्यांना सूचना
मोहपा | प्रतिनिधी
१ मे महाराष्ट्र दिन व कामगार दिनानिमित्त परिसरात ध्वजारोहण करून मान्यवरांना मानवंदना देण्यात आली. यावेळी उपस्थितांनी महाराष्ट्राच्या विकासासाठी योगदान देणाऱ्या कामगारांप्रती कृतज्ञता व्यक्त केली.
उन्हाळ्यात वीज मागणीत मोठी वाढ
उन्हाळ्याच्या तीव्रतेमुळे वीजेची मागणी मोठ्या प्रमाणात वाढली असून, वीजपुरवठा सुरळीत ठेवण्यासाठी सर्व कर्मचाऱ्यांना सतर्क राहण्याचे निर्देश देण्यात आले आहेत. निर्माण होणारे कोणतेही फॉल्ट तात्काळ दुरुस्त करण्याचे आदेश देण्यात आले.
दुपारी ‘शटडाउन’ टाळण्याचे निर्देश
दुपारी ११ ते ४ या वेळेत कोणतेही शटडाउन न घेता वीजपुरवठा अखंड सुरू राहील, यासाठी कामाचे योग्य नियोजन करण्याचे आवाहन करण्यात आले आहे.
नागरिकांना महत्त्वाचे आवाहन
या वेळेत उष्णतेची तीव्रता लक्षात घेता नागरिकांनी अत्यावश्यक कामाशिवाय घराबाहेर पडणे टाळावे, असे आवाहन करण्यात आले आहे.
वीज बिल वेळेत भरण्याचे आवाहन
वीज बिल न भरल्यास ३० दिवसांनंतर वीजपुरवठा स्वयंचलितपणे (Auto Disconnect) खंडित होण्याची शक्यता असल्याने, ग्राहकांनी दिलेल्या मुदतीत बिल भरण्याची खात्री करावी, असेही सांगण्यात आले आहे.
वाढत्या वीज मागणीच्या पार्श्वभूमीवर वीजपुरवठा सुरळीत ठेवण्यासाठी प्रशासन आणि नागरिकांनी समन्वयाने काम करण्याची गरज अधोरेखित करण्यात आली आहे.
0
0
