दानवे यांनी म्हटले की, महायुतीच्या घोषणा कागदावरच राहिल्या आहेत. शेतकऱ्यांना त्याचा कुठलाही लाभ मिळालेला नाही. गेल्या सात महिन्यांत राज्यात 1000 पेक्षा अधिक शेतकऱ्यांनी आत्महत्या केल्या आहेत. अर्थमंत्री अजित पवार यांनी कर्जमाफीच्या अपेक्षेत असलेल्या शेतकऱ्यांना आर्थिक वर्षाच्या शेवटी कर्ज भरण्यास सांगितले.

सरकारने जीएसटी अनुदान शेतकऱ्यांना परत करण्याचे आश्वासन दिले होते, परंतु ते अद्याप पूर्ण झालेले नाही. सोयाबीन आणि कापसाचे भाव कमी करण्यासाठी परदेशातून आयात सुरू आहे. शेतकरी सन्मान योजनेची रक्कम 12 हजारांवरून 15 हजार रुपये करण्याचे आश्वासनही पूर्ण झाले नाही.

                        मोदी सरकारने हमीभावाच्या दीडपट भाव देण्याची घोषणा केली होती. मात्र शेतकऱ्यांना हमीभावापेक्षा कमी किंमतीत कापूस आणि सोयाबीन विकावे लागले आहे. दानवे यांनी या सर्व मुद्द्यांवरून सरकारवर जोरदार टीका केली आहे.