शिक्षकी पेशाला काळिमा;

विद्यार्थिनींच्या लैंगिक शोषणप्रकरणी शिक्षक अनिल राऊत अटकेत

भंडारा : भंडारा जिल्ह्यातील वडेगाव येथील जिल्हा परिषद शाळेत कार्यरत असलेला शिक्षक अनिल जगन राऊत (वय ५४) याच्यावर विद्यार्थिनींचे लैंगिक शोषण केल्याचा गंभीर आरोप असून त्याला अटक करण्यात आली आहे. पवनी न्यायालयाने त्याला १३ मार्चपर्यंत पोलीस कोठडी सुनावली आहे. या घटनेमुळे शिक्षण क्षेत्रात मोठी खळबळ उडाली असून समाजातून तीव्र संताप व्यक्त केला जात आहे.

घटनेचा तपशील

• वडेगाव येथील जिल्हा परिषद शाळेत कार्यरत असलेल्या शिक्षकावर विद्यार्थिनींचे लैंगिक शोषण केल्याचा आरोप.

• विद्यार्थिनींना अश्लील व्हिडिओ दाखवून त्यांच्यासोबत अयोग्य कृत्य केल्याचा प्रकार मंगळवार, १० मार्च रोजी उघडकीस.

• घटनेची माहिती मिळताच संतप्त पालक व नागरिकांनी आरोपीला पकडून मारहाण केली.

• त्यानंतर आरोपीला पवनी पोलिसांच्या ताब्यात देण्यात आले.

• न्यायालयाने आरोपीला १३ मार्चपर्यंत पोलीस कोठडी सुनावली.

या प्रकरणाचा तपास पोलीस निरीक्षक नीलेश ब्राह्मणे यांच्या मार्गदर्शनाखाली सुरू आहे.  प्राथमिक चौकशीत आरोपीने गुन्ह्याची कबुली दिल्याची माहिती पोलीस सूत्रांकडून मिळाली.  प्रकरणासंबंधीची कागदपत्रे कडक प्रशासकीय कारवाईसाठी शिक्षण विभागाकडे पाठविण्यात आली आहेत.या घटनेमुळे संपूर्ण परिसरात संतापाचे वातावरण असून आरोपीला कठोर शिक्षा देण्याची मागणी पालक व नागरिकांकडून होत आहे. तसेच शाळांमधील विद्यार्थ्यांच्या सुरक्षेबाबत अधिक कडक उपाययोजना करण्याची मागणीही पुढे येत आहे.

0

0