उत्तर प्रदेशातील पृथ्वीनाथ मंदिरात जल अर्पण करण्यासाठी जात होते
अनियंत्रीत बोलेरो कालव्यात पडली, 11 जणांना जलसमाधी
गोंडा : उत्तर प्रदेशातील गोंडा येथे एका बोलेरोने नियंत्रण गमावले आणि ती शरयू कालव्यात पडली. या अपघातात ११ जणांचा मृत्यू झाला, त्यापैकी बहुतेक जण एकाच कुटुंबातील होते. बोलेरोमध्ये १५ जण होते. हे सर्वजण पृथ्वीनाथ मंदिरात पाणी अर्पण करण्यासाठी जात होते.
मोतीगंज पोलिस स्टेशन परिसरात सकाळी १० वाजता हा अपघात झाला. अपघातानंतर ओरडण्याचा आवाज ऐकून गावकरी घटनास्थळी पोहोचले. सुमारे १० मिनिटांनी आजूबाजूच्या परिसरातील लोक आणि पोलिसही तिथे पोहोचले. यानंतर बचावकार्य सुरू झाले, पण बोलेरोचे दरवाजे उघडत नव्हते. लोक गाडीच्या आत संघर्ष करत होते.
कसे तरी लोकांनी गाडीच्या काचा फोडून सर्वांना बाहेर काढले. सर्वांना सीपीआर देण्यात आला, परंतु ८ जण शुद्धीवर आले नाही. तर ४ जणांना शुद्धीवर आल्यानंतर रुग्णालयात दाखल करण्यात आले. सध्या बोलेरो अजूनही कालव्यात अडकली आहे. तीन पोलिस ठाण्यांमधील सुमारे १०० पोलिस बचाव कार्यात गुंतले आहेत.
बीना (३५), काजल (२२), मेहक (१२), दुर्गेश, नंदिनी, अंकित, शुभ, संजू वर्मा, अंजू, अनसूया आणि सौम्या अशी मृतांची नावे आहेत.
अपघातातून वाचलेल्या एकाने सांगितले की – बोलोरोतील सर्वजण एका मंदिरात दर्शनासाठी जात होते. अपघात झाला तेव्हा ते भजन गात होते. पण अचानक गाडी घसरली आणि कालव्यात पडली. त्यानंतर काय झाले ते त्याला आठवत नाही. असे अपघातातून वाचलेल्या एकाने सांगितले.
0
0
